1 маусым күні «Кирилловка орта мектебі» КММ-де соңғы қоңырауға арналған салтанатты саптүзеу өтті. Мектеп ауласында аспанға шарлар ұшып, ән мен күй шырқалды.

Мектеп директорының оқу ісі жөніндегі орынбасары А.Ж.Есмаганбетова құттықтау сөз сөйлеп, озат оқушылар мен мектеп өміріне белсене қатысқан оқушыларды марапаттады және балаларға сәттілік тіледі.

Мектеп түлектері жиналғандардың барлығына нағыз мереке ұйымдастырды. Бастауыш сынып оқушылары өлең оқып, ән шырқады. Балаларды ата-аналары мен ұстаздары құттықтады. Сөз кезегі 9-сынып түлектеріне берілді. 9-сынып оқушылары балалықпен қоштасып, сүйікті ұстаздарына алғыс айтып, қоштасу вальсін билеп, аяғында соңғы қоңырау соғылды. Саптүзеу Украин ауылдық округінің әкімі Мукашев Ж. Б. пен Қамқоршылық Кеңесінің төрайымы Герасимова Т.В. атынан оқушыларға тәтті балмұздақтар тарту етуімен аяқталды. Шын жүректен рақмет дейміз.